காணாமல் போன டயறி

தொலைந்து போயிற்று டயறி 

இலாச்சிகள் எல்லாம் தேடினேன் 

புத்தகங்களின் நடுவிலும் தேடினேன்

அறைகள், உத்தரம் கூடத் தேடினேன் 

கிடைக்கவில்லை இன்னும். 

கல்லூரி நாட்களின் சந்தோஷ துக்கங்கள் 

கிளர்ச்சியைத் தந்த பெண்களின் ஞாபகங்கள் 

சமறிக் கணக்குகள், தொலைபேசிக் கணக்குகள் 

தீர்க்க முடியாத சமன்பாடுகளின் தீர்வுகள் 

ஊரில் வளர்த்த கடாய்க் குட்டியின் கதை 

கிறுக்கிய கவிதை வரிகள் 

எல்லாமே தொலைந்து போயிற்று. 

தொலைந்துபோனது எழுத்துக்கள்தான் 

தொலையா உணர்வுகள் 

இன்னும் என்னுள்!